Hiniling ng Department of Public Works and Highways (DPWH) sa Department of Justice (DOJ) na agad maglabas ng Immigration Lookout Bulletin Order (ILBO) laban sa ilang opisyal ng ahensya at pribadong personalidad na sangkot umano sa kontrobersyal na flood control projects.
Sa isang liham na may petsang Setyembre 2, 2025 na pirmado ni DPWH Secretary Vincencio “Vince” B. Dizon, iginiit ng ahensya na mahalaga ang paglalabas ng ILBO upang maiwasan ang pagtakas sa bansa ng mga indibidwal na iniimbestigahan.
Ayon sa dokumento, ang imbestigasyon ay tumututok sa ilang DPWH officials at key officers ng mga construction companies na umano’y kasabwat sa mga kuwestiyonableng proyekto.
Kabilang sa mga pinangalanan sa Annex A ng liham ang ilang DPWH officials gaya nina:
- OIC Assistant Regional Director Henry C. Alcantara
- OIC District Engineer Brice Ericson D. Hernandez
- OIC Assistant District Engineer Jaypee D. Mendoza
- Engineer Ernesto C. Galang (Planning and Design Section)
- Engineer John Michael E. Ramos (Construction Section)
- Engineer Norberto L. Santos (Quality Assurance and Hydrology Section)
- Engineer Jaime R. Hernandez (Maintenance Section)
- Juanito C. Mendoza (Finance Section)
- Engineer Benedict J. Matawaran (Procurement Unit)
Kasama rin sa listahan ang ilang kilalang kontratista at kumpanya kabilang ang:
- Alex H. Abelido, President ng Legacy Construction Corporation
- Cesar D. Discaya at Pacifico F. Discaya, President at AMO ng Alpha & Omega General Contractor and Development Corp.
- Romeo A. Quirante, QM Builders
- Eric G. Baggau, EGB Construction Corporation
- Lawrence R. Lubiano, CenterWays Construction
- Aderma Angelie D. Alcazar, Sunwest Inc.
- Edgar S. Acosta, Hi-Tone Construction and Development Corp.
- Wilfredo M. Natividad, Triple 8 Construction & Supply Inc.
- Romeo C. Miranda, Royal Crown Monarch Construction & Supplies Corp.
- Mark Allan V. Arevalo, Wawao Builders
- Marjorie O. Samidan, MG Samidan Construction
- Luisito R. Tiqui, L.R. Tiqui Builders, Inc.
- Ryan Willie D. Uy, Road Edge Trading & Development Services
Sa liham, hiniling din ng DPWH na obligahin ang Bureau of Immigration na agad ipaalam sa ahensya at sa mga kaukulang law enforcement units kung may impormasyon hinggil sa posibleng pagbiyahe ng mga naturang personalidad palabas ng bansa.
Ang hakbang na ito ay tugon umano sa direktiba ng Pangulo na papanagutin ang mga tiwaling opisyal at kontratista na nasasangkot sa maanomalyang flood control projects.
About the Author
