Mas mainit na panahon mararanasan sa mga susunod na araw – PAGASA

Sinabi ng Philippine Atmospheric, Geophysical and Astronomical Services Administration (PAGASA) na patuloy na makakaranas ng mainit at maalinsangang panahon ang bansa dahil sa easterlies.

“Easterlies pa rin ang nakakaapekto sa ating bansa. Ito ang magdadala ng mainit na panahon pa rin habang may tsansa ng pagulan, pagkidlat, at pagkulog or isolated rain showers and thunderstorms lalo na dito sa bahagi ng Eastern Visayas and Eastern Mindanao,” ayon sa ulat ni Pagasa weather specialist Obet Badrina.

Aniya, wala pang namo-monitor ang pag-asa ng anumang low-pressure area na papasok sa area of responsibility sa bansa ngayong buong linggo.

13 na lugar sa bansa ang inaasahan na makakaranas ng mataas na heat index ngayong Lunes.

Base sa dalawang araw na forecast ng Philippine Atmospheric, Geophysical and Astronomical Services Administration (PAGASA), mararanasan ng Dagupan City sa Pangasinan ang pinakamataas na heat index ngayong araw na 45 degrees Celsius.

Ang iba pang mga lugar ay ang mga sumusunod:

NAIA Pasay City, Metro Manila: 42ºC

Laoag City, Ilocos Norte: 42ºC

Dagupan City, Pangasinan: 45ºC

Aparri, Cagayan: 43ºC

Tuguegarao City, Cagayan: 42ºC

ISU Echague, Isabela: 42ºC

Clark Airport (DMIA), Pampanga: 42ºC

Puerto Princesa City, Palawan: 44ºC

Aborlan, Palawan: 42ºC

Virac (Synop), Catanduanes: 42ºC

Masbate City, Masbate: 42ºC

Zamboanga City, Zamboanga del Sur: 42ºC

Cotabato City, Maguindanao: 42ºC