LIBRENG HEALTH INSURANCE SA MGA SENIOR – MARCOS

NAIS gawing libre ni presumptive president Bongbong Marcos ang health insurance para sa 12 milyon na senior citizens sa bansa, bilang karagdagan sa kanilang pensyon.

Sa kasalukuyan, ilan sa mga benepisyong natatanggap ng mga senior citizen ay ang 20 percent discount at VAT exemption sa gamot, food fare at maging sa doctors fees at hospital bills.

Ikinalulungkot din ni Marcos ang nakaugalian ng mga kompanya na nagdi-discriminate sa mga senior citizens sa pamamagitan ng hindi pagtanggap sa trabaho kahit gusto at may kakayahan pa itong magtrabaho.