SHOOT sa kulungan ang isang mangingisda matapos nakawin ang baterya ng bangkang pangisda ng kanyang kabarangay sa Navotas City, Linggo ng madaling araw.
Kinilala ang naarestong suspek bilang si Alexander Pascua, 23, ng 153 M. Ablola street, Barangay Tangos – South.
Sa report ni PSSg Joseph Provido kay Navotas police chief Col. Dexter Ollaging, dakong alas-3 ng madaling araw nang inspeksyunin ng complainant na si Madel Del Rosario, 34, at kanyang mister ang kanilang fishing boat sa Coastal Dike, Pantay-Pantay street, Barangay Tangos-South dahil sa paparating na sama ng panahon.
Dito, nadiskubre ng mag-asawa na nawawala na ang baterya ng kanilang fishing boat kaya pumunta sila sa kanilang barangay at i-nireport ang insidente.
Sa tulong ng mga tanod na nagsagawa ng pagsisiyasat sa nasabing lugar ay natagpuan nila ang baterya sa saksing si Jerbie Tiozon, 36, na ibinenta umano sa kanya ng suspek.
Inaresto ng mga tanod ang suspek na nahaharap ngayon sa kasong Theft habang nabawi naman ang 6SM 12volts battery na nasa P6,000 ang halaga.
More Stories
TESDA training, certification para sa TVL teachers isinusulong ni Gatchalian
Gatchalian: Mga out-of-school children at youth ibalik sa mga paaralan
DANIEL PADILLA, POKUS MUNA SA TRABAHO AT NEGOSYO