Inihayag ni Sen. Risa Hontiveros na pinaghahandaan na niya ang posibleng pagtakbo sa pagkapangulo sa darating na Mayo 2028 elections, habang patuloy na nananawagan sa oposisyon na maghain lamang ng iisang kandidato.
“Lagi kong sinasabi, dapat isa lang. Kaya nga ako naghahanda at pinapalakas ang aking sarili,” pahayag ni Hontiveros.
Binigyang-diin ng senadora ang kahalagahan ng pagpapalakas sa sarili upang maging pinakamatalas at pinakamalakas na contender na mamumuno sa oposisyon sa pambansang halalan.
Aniya, susunod na lamang ang pakikipag-ugnayan sa mga alyadong politiko at grupo kapag nagkaroon na ng consensus o pagkakasundo kung sino ang opisyal na magdadala ng bandila ng oposisyon.
“Importante na isa lang, let’s unite around the strongest one,” giit ng mambabatas.
Binigyang-diin pa ni Hontiveros na ang pagpapatayo ng iisang nagkakaisang kandidato ay magiging krusyal para sa oposisyon upang manatiling may kakayahang lumaban at manalo sa 2028.
Isa si Hontiveros sa ilang mga kilalang personalidad sa politika na pinag-iisipan para sa pagkapangulo, kung saan nangunguna si Vice President Sara Duterte sa mga maagang preference survey.
Sa ginawang survey ng Pulse Asia noong Hulyo 2026, lumabas na nangunguna si Duterte laban kay Hontiveros sa markang 60 porsiyento laban sa 21 porsiyento sa isang hypothetical head-to-head presidential race.
Samantala, sa isang three-way matchup, nakakuha si Duterte ng 56 porsiyento, na sinundan ni Sen. Erwin Tulfo sa nakuhang 16 porsiyento at Hontiveros na may 13 porsiyento.
Makikita sa Survey: Voters still want VP Duterte for president in 2028 vs. Leni Robredo, Risa Hontiveros ang talakayan hinggil sa mga resulta ng Pulse Asia survey ukol sa 2028 presidential race.
About the Author
