Duremdes wagi sa 9th Samahang Plaridel Golf Cup 2025

PASAY CITY — Pinatunayan ni PBA legend Kenneth Duremdes na hindi lamang siya hari sa hardcourt matapos siyang tanghaling overall champion sa 9th Samahang Plaridel Golf Cup 2025 na ginanap sa Villamor Golf Club.

Si Duremdes, na kumatawan sa Maharlika Pilipinas Basketball League (MPBL) ni dating Sen. Manny Pacquiao, ay nagtala ng low gross score na 76 upang masungkit ang pinakamataas na parangal sa 18-hole tournament na inisponsor ng Eighty Plus Coffee, San Miguel Corporation at Philippine Charity Sweepstakes Office (PCSO).

Hindi pa dito nagtatapos ang panalo ng 51-anyos na tubong Koronadal, South Cotabato. Kinuha rin niya ang dalawang special awards—Longest Putt sa Hole No. 18 (21 feet) at Nearest to the Pin sa Hole No. 12 (1 foot, 6 inches).Sa low net category, nagwagi si Justin de Dios.

Kabilang sa mga pangunahing sponsors ng torneo ang JD Legaspi Construction, PAGCOR, Gov. Luis “Chavit” Singson, Sen. Chiz Escudero, Sen. Manny Pacquiao, Cong. Mike Defensor, Manila Mayor Francisco “Isko” Moreno Domagoso, PCO Sec. Dave Gomez, Sprinto, Metro Pacific Investment Corporation, BEST, Unilab, Starpay, Marrero-Acop Pediatric Hospital, Mayor Arlene Arcillas ng Sta. Rosa City at Philippine Sports Commission.

Nagbahagi rin ng spotlight ang mga nagwagi sa iba’t ibang division:

Class A: Oliver Agustin (69), sinundan nina Dinan Cayanong (70) at Oliver Gan (71)

Class B: Carl Delgado (72, via countback), tinalo sina Ret. Gen. Cris Maralit at Gen. Alex Bellen

Class C: Chito Manuel (74), bahagyang lamang kina Shunhei Oishi (75) at Jamiro Crlos (75)Ladies Division: Faith de Dios (70), nanaig laban kay Andrea Abalos (72)

Binigyan din ng special awards sina Gilbert Escoto (Most Accurate Drive) at Joji Rivera (Longest Drive).

Pinangunahan nina dating Philippine Air Force Commanding General Lt. Gen. Oscar Rabena at PSC Commissioner Fritz Gaston ang ceremonial tee-off, kasama sina Gen. Cris Maralit, Oliver Gan at Association of Philippine Journalists–Samahang Plaridel president Evelyn Quiroz.

Si Quiroz rin ang nag-abot ng mga tropeo sa mga nagwagi, katuwang sina vice president Andy Sevilla, Jinky Jorgio, Ed Andaya at Nelly Lumbaca.

Ang kompetisyon ay co-sponsored ng Philippine Olympic Committee, Go for Gold, Action Labs, One Chess Movement, ICTSI, Voxpori Capital Pvt. Ltd., Security Bank, Development Bank of the Philippines, Jollibee, Monde Nissin, GCash, Kapihan sa Radyo, Sen. Win Gatchalian, Qualys, Terp Asia Construction, Isuzu, Honda Cars, Pilipinas Shell, Meralco, PenserQ, SSS-GSIS Partylist at Toyota.