MAYNILA, Nobyembre 7, 2025 — Naglabas ang PAGASA ng Weather Advisory No. 2 para sa Tropical Cyclone FUNG-WONG (pre-‘Uwan’) na inaasahang magdadala ng malalakas na pag-ulan sa malaking bahagi ng Luzon at Visayas mula Sabado (Nobyembre 8) hanggang Lunes (Nobyembre 10).
Batay sa ulat ng ahensya, posibleng umabot sa mahigit 200 millimeters ang dami ng ulan sa ilang probinsya, partikular sa Catanduanes, Aurora, Nueva Ecija, Cagayan, Isabela, Quirino, Nueva Vizcaya, at mga lalawigan ng Cordillera at Ilocos Region.
Mga Apektadong Lugar:
Sabado tanghali hanggang Linggo tanghali (Nobyembre 9):
- Mahigit 200mm – Catanduanes
- 100–200mm – Northern Samar, Eastern Samar, Sorsogon, Albay, Camarines Sur, Camarines Norte
- 50–100mm – Samar, Biliran, Leyte, Masbate, Quezon, Marinduque, Romblon, Aurora, Quirino, Isabela, Cagayan
Linggo tanghali hanggang Lunes tanghali (Nobyembre 10):
- Mahigit 200mm – Aurora, Nueva Ecija, Cagayan, Isabela, Quirino, Nueva Vizcaya, Apayao, Kalinga, Abra, Benguet, Ifugao, Mountain Province, Ilocos Norte, Ilocos Sur, La Union, Pangasinan
- 100–200mm – Metro Manila, Quezon, Rizal, Laguna, Cavite, Camarines Norte, Camarines Sur, Catanduanes, Zambales, Bataan, Tarlac, Pampanga, Bulacan
- 50–100mm – Batanes, Batangas, Occidental at Oriental Mindoro, Marinduque, Romblon, Albay, Sorsogon, Masbate, Aklan, Antique, Northern Samar
Ayon sa PAGASA, maaaring mas malakas pa ang ulan sa mga bulubunduking lugar, at mas lumala ang pagbaha o pagguho ng lupa dahil sa naunang mga pag-ulan nitong mga nakaraang araw.
Pinayuhan ang mga local disaster risk reduction and management offices na maghanda at magsagawa ng mga kinakailangang hakbang upang protektahan ang buhay at ari-arian ng mamamayan.
Maglalabas pa ng mga Heavy Rainfall Warning o Thunderstorm Advisory ang mga PAGASA Regional Services Division para sa mas detalyadong impormasyon.
Ang susunod na Weather Advisory ay ilalabas mamayang 5:00 p.m.
About the Author
