LOYALTY CHECK SA PNP, AFP ‘DI TOTOO – MARCOS JR

ITINANGGI ni Pangulong Ferdinand Marcos Jr. na nagsasagawa siya ng “loyalty check” sa mga miyembro ng militar at pulisya.

Ginawa ni Marcos ang pahayag sa gitna ng mga akusasyon mula sa ilang sektor na ang mga command conference na idinaraos niya kasama ang mga unipormadong lalaki ay nilayon upang matiyak ang kanilang katapatan sa kanyang administrasyon.

Hindi ko naiintindihan ang term na ‘yan because I don’t know how you conduct a loyalty check. At least not when you call a command conference… Because in the military, the police, we don’t have that,”  ayon kay Marcos.

“Wala kaming ganoon, (We don’t do that) I only hear it in the media. So I was just wondering how do you define a loyalty check? Anyway, it’s just a stupid question,” dagdag niya.

Noong nakaraang linggo, pinatawag ni Marcos ang National Peace and Order Council (NPOC), na binubuo ng mga matataas na opisyal ng seguridad ng bansa, sa Camp Crame.

Nakasentro ang mga talakayan sa nalalapit na 2025 midterm elections, sa rehiyon at pambansang sitwasyon ng kapayapaan at kaayusan, at kampanya laban sa mga offshore gaming operator ng Pilipinas, bukod sa iba pa.

Dumalo sa pulong sina Interior Secretary Jonvic Remulla, Philippine National Police chief Gen. Rommel Francisco Marbil, at Armed Forces of the Philippines Chief of Staff General Romeo Brawner Jr.

Nang tanungin ang tungkol sa estado ng bansa sa pagtatapos ng taon 2024, sinabi ng Pangulo na “medyo stable” ang Pilipinas sa kabila ng “maraming ingay.”

“Medyo stable kami. Ibig sabihin, gumagana nang maayos ang gobyerno. Kahit sobrang ingay. Iyon lang, puro ingay lang,” ayon pa sa pangulo.