RACE INILUNSAD NG SSS SA QC

NAGLUNSAD ang Social Security System (SSS) ng Run After Contribution Evaders (RACE) sa Quezon City.

Ang RACE ay isang kampanya ng SSS upang tiyakin na sumusunod ang mga employer sa kanilang obligasyon gaya ng itinakda sa Republic Act No. 11199 o Social Security Act of 2018.

Matapos ang paglulunsad ay nagsagawa ang ahensiya ng pag-iisyu ng notice of violation sa ilang establisyimento sa nasabing lungsod nitong Miyerkules, Disyembre 11, 2024.

Pinangunahan ito nina Atty. Voltaire Agas, SSS EVP Branch Operation at Atty. Gerjan Christian De Guzman, SSS Legal Assistant II, NCR North Legal Department.