DUNCAN ROBINSON, BUMIDA SA PAG-IHAW NG HEAT SA HAWKS

Uminit si Duncan Robinson mula sa bench ng Miami Heat at naakay nito sa team ang pagkuha sa Game 1. Inihaw ng Heat ang Atlanta Hawks sa blow-out win, 115-91 sa East Round 1 ng 2022 NBA playoffs.

Nagbuslo ng kabuuang 27 points si Robinson. Kung saan, naglista siya ng 9-out-of 10 fieldgoal. Gayundin ang 8-out-of 9 sa tres. Nag-ambag naman si Jimmy Butler ng 21 points, 6 boards at 4 assists.

Habang si P.J Tucker naman ay lumagare ng 16 points, 5 boards. Sa panig naman ng Hawks, naglista si Trae Young ng 8 points, 6 boards at 4 assists. Lamang sa serye ang Heat na 1-0 at idaraos ang Game 2 sa balwarte nila sa Miyekules.