LEBRON JAMES, BUMIDA SA PAGSIRA NG LAKERS SA RITMO NG UTAH

Bumida si LeBron James sa pagsira ng LA Lakers sa ritmo ng Utah Jazz, 106-101. Bumira si ‘The King’ ng 33 points 8 boards at 6 assists. Nag-ambag naman si Russell Westbrook ng 17 points at 7 rebs at 6 ast.
Sa panig naman ng Jazz, bumuslo si Donovan Mitchell ng 37 points, 5 assists at 4 steals. Rumatsada agad ang Lakers sa 1st quarter ng 11-0 run.

Ngunit, nakaungos ang Jazz ng lamang sa ikinasang 21-10 run. Bitbit pa ng Utah ang kalamangan na umabot sa 12 points. Lalo na nang ma-injury si Anthony Davis sa 3rd.

Tumiklop ang bukong-bukong nito nang saluhin ang alley-opp pass ni Malik Monk. Mula run, gumanda ang depensa at opensa ng Lakers. HIndi na nila hinayaan pang masilat sila ng Utah matapos umabanse ng 100-96 lead.