JIMMY BUTLER, BUMIDA SA PAG-IHAW NG HEAT SA RAPTORS, BULLS, NILURAY NG GRIZZLIES

Nagtala si Jimmy Butler ng triple-double sa pag-ihaw ng Miami Heat sa Toronto Raptors, 104-99. Bumira si Butler ng 19 points, 10 boards at 10 assists.

Nag-ambag naman si Tyler Herro ng 23 points, 4 boards at 3 assists. Kumana si Bam Adebayo ng 14 points at 9 boards. Sa panig naman ng Toronto, naglista si Paskal Siakam ng 18 points, 10 assists at 6 boards.

Samantala, niluray naman ng Memphis Grizzlies ang Chicago Bulls, 119-106. Bumanat si Desmond Bane at Jah Morant ng tig-25 points para sa Memphis.Habang si DeMar DeRozan naman ay kumamig ng 24 points at 5 assists sa Bulls.