TINATAYANG nasa 800 indibidwal ang pinayagan makapasok sa Golden Mosque sa Quiapo, Manila para sa pagdiriwang ng Eid’l Adha o Arabic Festival of Sacrifice sa gitna ng pandemya.
Habang ang ibang hindi nakapasok sa mosque ay pumwesto sa Globo de Oro Street at Elizondo Street para sa morning prayer.
Inabutan ng pag-ulan ang pang-umagang dasal kaya kinailangang putulin ang pagtitipon ng mga tao sa labas ng mosque.
Ayon sa barangay chairman, nasa 800 katao lang ang pinayagang pumasok sa mosque dahil sa 30-percent restriction kaya napuno ang kalsada ng mga nagdadatingan na mga tao.
Dalawang beses na nagsagawa ng pang-umanga panalangin para mapagbigyan ang dami ng mga dumating.
Ito na ang ika-2 beses na ipinagdiriwang ng mga Muslim ang Eid Al Adha sa ilalim ng pandemya. Pero ito rin ang unang beses na nadala ng marami ang kanilang mga anak sa selebrasyon. Ito’y matapos payagang lumabas sa outdoor areas ang mga batang edad 5 taong gulang pataas.
Ikinatuwa ito ng mga pamilya pero sabi nila may pag-iingat pa rin dahil sa banta naman ng Delta variant.
More Stories
KATHRYN BERNARDO AT KOREAN SUPERSTAR LEE SEUNG-GI PAGSASAMAHIN NI CHAVIT SINGSON SA ISANG MOVIE PROJECT
PANGASINAN KAMPEON SA PNVF U18 CHAMPIONSHIPS (Sa tulong ng kanilang coach na Math Teacher)
DANIEL SUPPORT NA LANG NINA RICHARD AT IAN SA TELESERYE