60 BAHAY NILAMON NG APOY SA TALISAY CITY

TINUPOK ng malakas na sunog ang isang residential area sa Sitio Base, Barangay Cansojong, Talisay City Biyernes ng umaga.

Tinatayang nasa 60 bahay ang tinupok ng apoy.

Ayon sa Talisay City Fire Office itinaas sa unang alarma ang sunog dakong alas-10:34 ng umaga at mabilis na umabot sa ikalawang alarma. Halos isang oras bago tuluyang maapula ng mga bombero ang sunog.

Wala naman napaulat na nasawi o nasugatan sa nasabing sunog pero umabot ang P370,000 ang natupok na ari-arian.

Naging pahirapan sa mga bombero na apulahin ng apoy dahil sa makipot na kalsada dahilan para makapasok ang mga fire trucks sa lugar.

Patuloy na iniimbestigahan ng mga awtoridad ang sanhi ng sunog, na pinaniniwalaang nagsimula sa bahay ng isang residente na nagngangalang “Bernard”.