IPINAMALAS ni Jocelyn Ninobla ang kanyang lakas sa balwarte upang masungkit ang dalawang gintong medalya sa taekwondo sa pagtiklop ng 8th Philippine Sports Commission-Women’s Martial Arts Festival sa Rizal Memorial Coliseum.
Kasalukuyang world no. 2 sa rankings, umiskor si Ninobla 8.37 points upang mahablot ang gold medal individual poomsae bago pangunahan ang national squad para sa kanyang ikalawang tagumpay sa women’s freestyle team event.
Ang 26 anyos na si Ninobla, back-to-back Southeast Asian Games champion, kasama sina Jona Keith Castillo at Janna Dominique Oliva sa team poomsae gold sa kanilang pinagsamang score na 7.16 points.
Si PSC Commissioner Olivia “Bong’’ Coo ang nanguna sa closing ceremony matapos ang anim na araw na aksiyon na tinatampukan ng 11 combat sports na inorganisa ng PSC at suportado ng Pocari Sweat at Go21 kung saan ang mga pinaksmahuhusay na atleta mula sa pambansang koponan ay lumahok.
“It was very successful. We had 628 athletes who participated, and we were able to show that a lot of women are into martial arts. This was also an opportunity to encourage more women to participate in these sports and learn to defend themselves,’’ wika ni Coo.
Ang Women’s Martial Arts Festival ay magsisilbi ring inisyal na tuneup para sa national teams mula pencak silat, karatedo, sambo, kickboxing, taekwondo, wrestling, muaythai, jiujitsu at kurash para naman sa kanilang buildup sa 6th Asian Indoor Martial Arts Games sa Bangkok, Thailand saktong isang taon mula ngayon.
More Stories
Gatchalian: Mga out-of-school children at youth ibalik sa mga paaralan
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS