Kalaboso ang dalawang pinaghihinalaang tulak ng iligal na droga makaraang masakote nang mahuling nagsusugal sa Palawan St., Brgy. Pitogo, Makati City.
Kinilala ang mga suspek na sina Maximo Caayoha, 53-anyos at Jennifer Juntado, 37-anyos, massage therapist.
Ayon sa isinagawang imbestigasyon ni PCpl Louie Lopez nakatanggap ng impormasyon ang mga tauhan ng Makati City Police Station tungkol sa pagsusugal ng larong dice ng mga suspek.
Agad na pinuntahan ng mga pulis ang lugar na itinimbre sa kanila kung saan naaktuhang nagsusugal ng larong dice ang mga suspek.
Nakuha sa kanilang pag-iingat ang dalawang transparent plastic sachet ng pinaghihinalaang shabu na nagkakahalaga ng P3,400, isang pares na dice, at P180 na taya.
Paglabag sa RA 9165 o Comprehensive Dangerous Drug Act of 2002 at PD 1602 o Illegal gambling ang kasong isinampa laban sa mga suspek.
More Stories
PVL, DE BRITO MAGKATUWANG PARA SA FINAL LINEUP NG WOMEN’S NAT’L TEAM
PBBM NATAWA LANG SA PAGKAKADAWIT SA DRUG LIST NG PDEA
MMDA NAGSAGAWA NG CLEARING OPS SA MABUHAY LANES