INARESTO ng mga operatiba ng Philippine National Police-Aviation Security Group (PNP-AVSEGROUP) sa Ninoy Aquino International Airport (NAIA) ang dalawang babaeng Pinay na papuntang Hong Kong.
Nag-ugat ang pag-aresto dahil nakabinbin nilang kaso na lascivious conduct sa Regional Trial Court sa Negros Occidental.
Pinuri ni P/BGen Christopher Abrahano, acting director ng AVSEGROUP, ang matagumpay na operasyon.
“Today’s successful apprehension of the suspects is a testament to the seamless collaboration and preparedness of our Group at NAIA to ensure that such offenders are held accountable for their actions,” ayon sa opisyal.
Napag-alaman na ang dalawang Pinay na may edad 34 at 27, kapwa tiga-Bacolod City, ay nadakip bago sila makasakay sa kanilang flight papuntang Hong Kong.
Inaresto sila dahil sa paglabag sa lascivious conduct sa ilalim ng section 5(b) ng R.A/ 7610, na may piyansa na inirekomenda sa halagang P80,000 bawat isa.
Magkatuwang na isinagawa ang operasyon ng mga miyembro ng NAIA Terminal 3 Police Station, Aviation Security Unit NCR, at Barbosa Police Station 14, Manila Police District.
More Stories
KATHRYN BERNARDO AT KOREAN SUPERSTAR LEE SEUNG-GI PAGSASAMAHIN NI CHAVIT SINGSON SA ISANG MOVIE PROJECT
PANGASINAN KAMPEON SA PNVF U18 CHAMPIONSHIPS (Sa tulong ng kanilang coach na Math Teacher)
DANIEL SUPPORT NA LANG NINA RICHARD AT IAN SA TELESERYE