MGA SIKAT NA PERSONALITIES NA BAGONG KAANIB SA IGLESIA NI CRISTO

Nakagugulat na ilan pala sa mga sikat na personalidad sa ating bansa ang kaanib na sa kongregasyon ng Iglesia Ni Cristo. Ilan sa kanila ay kabilang sa mga celebrities, recording artists. sports athlete at maging ang mga nasa press at media.

Ang alam lang ng karamihan na member ng INC ay sina Gladys Reyes at ang mister nitong si ChristopherRoxas,Jacklyn Jose Snooky Serna, Victor Neri, Kristel Fulgar, Regine Angeles Mike Magat, Antonio Aquitana, Jon Lucas, Richard Quan Ruru Madrid, Rapido, Price Tagg, Davey Langit, DJ Aikee, Gladys Guevarra, Kai Sotto, Matthew Wright, Gus Abelgas, Pia Guttierrez at Anthony Taberna.

May ilan na artista o atleta na hindi alam ng karamihan ay member na pala ng nasabing relihiyon. Nitong nakaraang taong 2020 at ngayong taon, ilan sa kanila ay nagpa-convert na sa Iglesia Ni Cristo.

Kabilang na rito ang Kapuso actress na si Bianca Umali. Ayon sa mga kaibigan nating Iglesia, nabautismuhan ang actress noong Disyembre 2020.

Umaanib na rin sa Iglesia ang aktor na si Anjo Yllana. May noontime show kasi ang aktor sa Net 25 na ‘Happy Time’ kasama si Janno Jibbs. Marahil naakay siya na makinig ng aral ng INC.

Dumadalo ang aktor sa Bible studies o doktrina.

Gayundin ang veteran actress na si Miss Elizabeth Oropesa at ang stand-up comedian na si Boobsie at ang aktor na si Matt Escudero.

Samantala, ganap nang kaanib si olympian ice skater na si Michael Christian Martinez.

Ayon sa kanila, kaya sila nagpasyang umanib ay dahil sa namulat sila sa mga aral sa loob ng INC. Hindi sila pinilit na umanib. Masaya na sila aniya sa bagong landas na kanilang tinatahak. Gayundin sa paraan ng pagsamba at paglilingkod sa ating Lumikha.