Anak ni Duterte bumisita sa Cebu ‘SARA ALL 2022’

Kinumpirma ni Davao City Mayor Sara Duterte-Carpio ngayong Biyernes ang pagbisita sa Cebu, isa sa mga lalawigan na may pinakamaraming botante, habang patuloy ang mga taga-suporta sa paghikayat sa kanya na tumakbo ito sa 2022 elections.

Makikita sa larawang ibinahagi ni Duterte-Carpio sa Facebook, habang nakasuot ng green na hoodie na may katagang “Sara All 2022,” na kadalasan ginagamit ng mga supporter para himukin siyang tumakbong pangulo.

“Confirmed po ang aking pagbisita sa Cebu. Kausap ko ngayon ang aking pinsan na si Cebu 5th District Board Member Red Duterte,” ayon sa anak ni Pangulong Rodrigo Duterte.