NANANATILING walang bahid ang professional boxing career ni Eumir Marcial ng Pilipinas matapos daigin sa puntos ang Amerikanong katunggaling si Steven Pinchardo.
Ang Tokyo Olympics bronze medalist na si Marcial ay nakuhang maipanalo via unanimous decision ang non-title fight at ni hindi nito ininda ang sugat na natamo mula sa aksidenteng headbutt ng kalaban sa ikalawang round pa lang ng six-rounder fight na undercard ng bakbakang Fernando Martinez ng Argentina versus Jerwin Ancajas ng Pilipinas para sa IBF Super Flyweight belt kahapon sa California, USA.
Ang rematch ng kampeong si Martinez kay Ancajas ay halos walang pinag- iba sa kanilang unang bakbakan na isang unanimous decision pabor sa nagdepensang kampeon sa scorecards.
Nakaranas naman ng unang back to back na pagkatalo ang dating Filipinong kampeon sa mundo nang halos kalahating dekada. Bagama’t wagi si Marcial sa kanyang non- title pro-bout, ang pagkabigo ni Ancajas ang nagpakulimlim sa ningning ng Philippine boxing na nananatiling walang world champion hanggang ngayon.
More Stories
JINGGOY NAPIKON KAY EX-PDEA AGENT MORALES: ‘WAG MONG PAKIALAMAN ANG KASO KO’
SMALL RECLAMATION NG CHINA SA WPS, NAPIGILAN NG PCG
KASONG KRIMINAL LABAN SA NEGOSYANTENG CHINESE NA INIREKLAMO NG KIDNAPPING, ISINAMPA NG DOJ SA KORTE