TULFO, LEGARDA, ROBIN ‘TOP SENATORIAL PICK’ SA SURVEY

‘

WAGI at namamayagpag sa tuktok sina broadcast journalist Raffy Tulfo at Antique Representative Loren Legarda sa pinakabagong Pulse Asia Research Inc. survey na isinagawa noong Abril.

Sa inilabas na poll result noong Lunes, iniulat ng Pulse Asia nakaiskor si Tulfo ng 50.4% rating habang 49.4% naman ang kay Legarda.

Sinundan naman sila ng aktor na si Robin Padilla na may 42.9 percent, Taguig Representative Alan Peter Cayetano na may 42.3%, Sorsogon Governor Francis Escudero na may 38.6% at Senator Sherwin Gatchalian na may 37%.


Ang iba pang senatorial aspirant na may pag-asang manalo sa paparating na botohan ay sina  Senator Miguel Zubiri na may 37%, former Public Works and Highways Secretary Mark Villar na may 35.9%, former senator JV Ejercito na may 34.3%, dating Vice President Jejomar Binay na may 32.5%, Senator Risa Hontiveros na may 32.3%, at dating senator Jinggoy Estrada na may 32.3%.

Humahabol naman sina dating Quezon City mayor Herbert Bautista na may 26.6%, Senator Joel Villanueva na may 26.5%, dating Information and Communications Technology secretary Gregorio “Gringo” Honasan II with 22.4%, Senator Richard Gordon  na may 19.3%, dating senator Antonio Trillanes IV na may 19%, at former presidential spokesperson Harry Roque with 17.9%.