Traffic enforcer, namigay ng libreng face shield sa Pasig

Imbes na tiketan, face shield ang ibinigay ng isang traffic enforcer sa isang tsuper ng taxi sa Pasig City.

“Pero next week mas istrikto nang ipapatupad to– imbes na face shield ay ticket na ang iaabot sa inyo,” ayon sa tweet ni Mayor Vico Sotto.

Naipasa na ng Sanggunian Panglungsod ng Pasig ang Face Shield Ordinance alinsunod sa IATF, DTI, DOLE guidelines.

Bukod sa face mask ay kailangan may suot na face shield kapag nasa pampublikong transportasyon, opisina, tindahan, atbp.

Hindi rin aniya kailangan ng face shield habang nagmamaneho, nagbibisikleta o nag-e-exercise.