TABLETS PARA SA GRADE 11 AT 12 STUDENTS NG TAYTAY, IPINAMIGAY NA!

1,700 units ng tablets ang inilaan ng Pamahalaang Bayan ng Taytay bilang tugon sa pangangailangan ng mga estudyante lalo na ngayong patuloy ang online classes ng mga mag-aaral.

Ayon kay Mayor Joric Gacula, sinimulan itong maipamahagi kahapon at inaasahang matapos sa Sabado.

“Pahalagahan nawa ng mga batang ito maging ng kanilang magulang ang mga tablets na ito. Ibayong pagiingat po at hiling namin na magtuloy-tuloy kayo sa pag-abot ng inyong mga pangarap,” ayon sa alkalde.