RODERICK PAULATE, MAS BAGAY GUMANAP NA DIWATA

HINDI naman tututol si Diwata kung ang gaganap sa kanyang life story sa “Magpakailanman” ay si Roderick Paulate.

Si Diwata ay napaka-kontrobersiyal na vlogger/vendor.

Mahusay na naman kasi na comedy-actor si Roderick at hanga ako sa estilo ng kanyang pagpapatawa. Kumbaga, wala pa rin kakupas-kupas ang husay niya sa pag-arte at pagpapatawa.

“Kung siya ang choice, masaya ako dahil maipapalabas sa TV o sa ‘Magpakailanman” ang aking life story. Makikita nila kung anong mabibigat na pagsubok ang naranasan ko sa aking buhay,” masayang kuwento ni Diwata.
“Sana matuloy, kasi nakaka-proud dahil nakita nila iyong aking pagsisikap para maabot ko iyong tagumpay na gusto kong makamtan sa aking buhay,” dagdag pa niya.