PILIPINAS UMANGAT SA IKA-17 PUWESTO SA PAGTATAPOS NG 19TH ASEAN GAMES

MAGANDA na rin ang naging ranking ng Pilipinas sa 19^th Asian Games makalipas ang halos tatlong dekada nang pumuwesto ito sa 17^th spot  sa pagtatapos ng nasabing palaro sa Hangzou, China ngayong araw.

May 481 event ang pinaglabanan sa palaro, kung saan kabuuang 18 medalya ang naiuwi ng Pilipinas — apat na ginto, dalawang pilak at 12 tanso.

Sinungkit nina EJ Obiena sa pole vault, Meggie Ochoa at Annie Ramirez sa jiu-jitsu at ng Gilas Pilipinas sa basketball ang mga gintong medalya.

Nasa top spot ang host China, na nakasungkit ng 201 gintong medalya, 111 pilak at 71 tanso o total na 383 medal.

Sumunod ang Japan sa nakolektang 188 medalya – 52 gold, 67 silver at 69 bronze.

Pangatlo ang Republic of Korea sa nahablot na 190 medalya – 42 gold, 59 silver at 89 bronze.

Asian Games ang pinakamalaking sports competition sa Asya, na ginaganap kada apat na taon. Inoorganisa ito ng Olympic Council of Asia at may 45 participating countries o regions.

Noong 1994, nagtapos ang Pilipinas sa ika-14 puwesto sa Asean Games na ginanap sa Hiroshima, Japan. RON TOLENTINO