PILIPINAS INILUNSAD eGOV ‘SUPER APP’

Pinangunahan ni Pangulong Ferdinand Marcos Jr. ngayong Biyernes ang paglulunsad ng eGov PH Super App.

Sinabi ng Pangulo na dapat i-facilitate ng gobyerno ang mabilis na development ng interconnectivity infrastructure at digitalization ng bansa para mapalakas ang ekonomiya at labanan ang korapsyon.

“And…the whole idea of e-governance is something that we need to do because we have fallen behind,” pahayag ni Marcos.

Binanggit ng Pangulo na 95 percent ng mga pang-araw-araw na aktibidad ng mga tao, tulad ng shopping, bank at government payments, ay ginagawa na ngayon online.

“We hope with the beginnings of this e-governance system, that a senior living in an isolated place, isolated island somewhere who, by the time we will have connectivity, can just go on to their phone (and transact),” aniya.

Sa pamamagitan ng Super App, maa-access ng mga Pilipino ang mga government services, tulad ng valid personal identification sa digital format, essential day-to-day core government services; e-tourism at e-travel services; e-payments at banking services.

Paliwanag ng Pangulo, sa pamamagitan ng app, mapapadali ang public services at walang “discretion” mula sa government employee.

“So, that way it simplifies the process, especially for the citizen and there is no discretion being exercised by anyone,” ani Marcos.

“We owe that to the people. We owe them to be able to do that. We should not allow them to continue to suffer to this antiquated, corrupt, and inefficient system,” dagdag ng Pangulo.

Samantala, sinabi ng Department of Information and Communications Technology (DICT) Secretary na maaari nang i-download ang app “for free” mula sa Apple Store at Google Play. “This will be a continuing process as we continually improve the system, as we continue to bring together all the government agencies in the platform,” sinabi ng kalihim.