PHILADELPHIA 76ERS, INUTAS ANG ATLANTA HAWKS, 118-102 SA GAME 2

Nakaresbak ang Philadelphia 76ers sa Atlanta Hawks sa Game 2 ng Eastern Conference playoffs semifinals. Inutas ng 76ers ang Hawks sa iskor na 118-102.

Kung kaya, naitabla ng Sixers ang series sa 1-1 sa kanilang best-of-7 showdown.

Bumida si Joel Embiid para sa Philadelphia sa pagtala ng double-double performance. Nagtala si Embiid ng 40 points, 10 boards at 2 assists.

Umalalay naman si Tobias Harris sa pagtala ng 22 points, 6 boards at 4 assists. Nag-ambag naman si Seth Curry ng 21 points at 2 assists.

Sa panig naman ng Hawks, nagtala si Trae Young ng 21 points, 3 boads at 11 assists.

Isasagawa naman ang Game 3 sa Sabado (Manila time) sa balwarte ng Hawks sa Phillips Arena.