PCSO at Bayanihan Sands nangibabaw sa 11th CAMI Clark Golf Cup

Nagwagi sina Alvin Buenaventura, player ng Philippine Charity Sweepstakes Office (PCSO) at Jericho Baculi mula sa 24-man strong delegation ng Bayanihan Sands (BS) bilang mga grand champion ng taunang CAMI Clark Golf Cup ngayong taon.

Matagumpay na nagwagi si Buenaventura bilang Best Gross champion habang si Baculi ay nagtagumpay para sa Best Net.

Matagumpay na naidaos ng Capampangan in Media Inc. (CAMI), sa pakikipagtulungan ng Clark Development Corporation (CDC) at Quest Plus Hotel and Conference Center Clark noong Pebrero 28 ang 11^th CAMI Clark Golf Cup (2025) sa sikat na Mimosa Golf Course sa Clark Freeport Zone Philippines.

Pinangunahan nina Police Major General Lina Castillo Sarmiento, Vice-President for Security Services ng CDC at Chairman Arsenio “Arni” N. Valdes ng Juan D. Nepomuceno (JDN) Realty ang Tee Off.

Ang lead sponsors para sa golf tournament ngayong taon ay ang RASLAG Corporation-gold, Philippine Amusement and Gaming Corporation (PAGCOR)-gold, Philippine Charity Sweepstakes Office (PCSO)-gold, MERALCO-gold at Quest Plus Conference Center Clark-gold.

Habang ang major sponsors para sa ika-11 CAMI Clark Golf Cup ay: GCash, Prime Water (main), Prime Water Angeles, Development Bank of the Philippines (DBP-main), CIGNAL, Pinoy Xtreme Channel, OUT OF TOWN, TIPCO Estates Corporation (TECO), Manila Water at Clark Water.

Special sponsor naman si Mer Layson, MAGSASAKANG REPORTER, MASAGANG BUHAY TV program at Abelardo L. Cruz (ALC) Productions, AlphaSolar Corporation, local government units (Pampanga, Tarlac, Angeles City, Mabalacat City, Guagua) at congressional district offices (first at second districts ng Pampanga) at Creative Friends Enterprises.

Ang layunin ng CAMI golf tournament ay i-highlight ang golf bilang isa sa mga pinakamahusay na aktibidad para sa pisikal at mental health at wellness. Ang iba pang incidental benefits ay kinabibilangan ng kaunting pagdaragdag ng pondo para sa mga proyekto at programa ng organisasyon tulad ng kinakailangang medical at wellness program para sa mga miyembro at mga mahihirap, book publication program, at kanilang regular na media forum.

Ang CAMI ay isang non-profit na organisasyon ng mga kilalang mamamahayag na nakabase sa Metro Manila at Clark Metropolis, na pinamumunuan ng multi-awarded na mamamahayag na si Federico “Dik” Pascual bilang Chairman Emeritus, Nonnie Pelayo bilang Chairman, Mario Garcia bilang Vice-Chairman, Vittorio “Vot” Vitug bilang President, Mer Layson bilang Vice President (pambansa), Robert Mananquil bilang Vice-President (rehiyonal), Abel Cruz bilang Treasurer, Precy Pintor Cunanan bilang Corporate Secretary at Ric Sapnu bilang Auditor.

Ang CAMI Trustees ay sina CAMI Trustees are Wilfrido B. Villarama, Wilfredo E. Capulong, Robert Mananquil, Joann Manabat, Ner Dayrit at Romeo Dizon.