Mike Brown, Jason Kidd, kabilang sa napipisil ng New York Knicks na maging head coach

Bilang bahagi ng gagawing development at pagpapaigi sa koponan ng New York Knicks ng NBA,naghahanap ang team ng bagong head coach na gagabay sa Knicks sa susunod na season. Kaugnay dito, nasa 11 indibidwal ang napipisil ng Knicks na sasalang sa coaching job.

Kabilang sa requisite ay ang karanasan, background at koneksyon ayon kay Knicks president Leon Rose.

Nais ni Rose na maging perennial winner ang koponan dahil hindi maganda ang standing ng team ngayong 2019-2020 NBA season sa pagtitimon ni coach David Fizdale.

Bago masuspende ang season dahil sa coronavirus pandemic, kulilat sa Eastern Conference ang Knicks. Subalit, umakyat ito sa 12^th seed (21-45) bago masuspende ang laro noong  Marso.

Isa sa kandidato para sa New York coaching job ay si Golden State Warriors assistant coach Mike Brown. Katunayan, nakikipag-ugnayan ang Knicks kay Brown para sa coaching job.

Kabilang rin sa pinagpipilian bilang head coach ng New York ay sina Kenny Atkinson, Jason Kidd, Pat Delany, Tom Thibodeau, Chris Fleming, Will Hardy, Mike Miller, Jamahl Mosley, Ime Udoka at Mike Woodson na dati na ring naging coach ng team noong 2012 hanggang 2014 season.