Mga Sharonians nagbunyi… SHARON CUNETA, MAY BAGO NG SHOW SA YOUTUBE

NAG-POST si Megastar Sharon Cuneta, sa kanyang Twitter account at ibinalita niya na mapapanood na siya sa kanyang bagong ‘Network’ sa YouTube. Ito iyong ‘The Sharon Show,’ na talagang nakahanda na ang kanyang mga followers para panoorin ito.

Ang 1st episode ay may title na ‘In the time of COVID-19, let’s remember to be safe and be kind.’ Kasabay niyon ay pinost na rin niya ang kanyang 2 video, tungkol sa kanyang channel.

“Masaya si Sharon Cuneta, dahil may show na siya. At iyon ay handog niya sa kanyang mga tagahanga, na patuloy na sumusuporta sa kanya. Panalangin niya na ang lahat ay safe and healthy, at sabi rin niya kindness and love ang dapat pairalin ng bawat isa. Hindi naman siya mabibigo dahil handa naman siyang suportahan ng kanyang mga tagahanga.

“Excited na si Sharon dahil marami raw siyang magagawa sa show niya. Gaya ng kung paano maimprove ang lifestyle ng mga tao, tungkol sa ating mga tahanan, tungkol sa kanya na personal daw at hindi pa nakikita ng publiko. Sana raw matuwa tayo at mag-subscribe sa kanyang bagong show.” Tiyak namang papanoorin ang ‘The Sharon Show,’ dahil matagal din na miss ng mga Sharonians ang kanilang idolong si Megastar Sharon Cuneta.