MGA PUSA, NATUKLASAN SA BUWAN NG PLANETANG SATURN

PARIS, France— “Nakatatakot at mababangis sila. Malalaki ang kanilang mga mata. May matataba at may payat. Iyon ang natuklasan naming mga pusa sa planetang Mars.”

Ito ang pahayag ng mga nakatuklas sa mga kakatwang uri ng pusa sa nasabing planeta sa isang ulat na lumabas noong March 22, 1994. Ngayon naman, isang pambihirang tuklas na naman ang kinauukulan sa kalawakan o sa ating sistemang solar ang kanilang inihayag.

Mula sa lenteng higanteng teleskopyo na gumagalugad sa kinaroroonan ng buwan ng planetang Saturn na Titan; nakatuklas silang muli ng mga pusa. Kabilang sa nakaaalam ng tungkol dito ay sina dating French President Jacques Chiraq at Nicolas Sarkozy at ilang French scientist.Ipinagtataka nila kung papaanong nabuhay ang mga pusa sa naturang buwan, gayung balot ang Titan ang paligid ng methane gas. Isa pa, ang temperature roon ay umaabot sa 179 digri sentigrado.

Di gaya sa mga pusang natuklasan aniya sa planetang Mars, ang mga pusa sa Titan ay mukhang maamo na nagtataglay ng mabibilog at malalaking mga mata. Gayunman, ang iba pang detalye tungkol dito ay hindi nila inihayag kahit na humihingi umano ng impormasyon at larawanang NASA at otoridad ng Estados Unidos sa larangan ng astronomiya.

Ang nasabing larawan, na iniingatan ngayon ng bansang France ay kuha ng European Space Agency- Huygens. Subalit, inangkin naman ng German analyst na sila ang unang nakatuklas ng mga pambihirang pusa at hindi ang France. Ang bagong kuhang larawan ay hawig sa kuhang larawan ng U.S. Mars rover na kumalat at inilabas sa ilang bigating peryodiko.

Sa ngayon, tikom ang bibig ng Huygens mission manager na si Jean-Pierre Lebretos sa mga kumalat na litrato. Ngunit, giit niya, mas marami silang kuhang larawan at mas detalyado di gaya sa U.S. Mars rover.