Kumpirmado na kung sino kung sakali ang susunod na makakatapat ni Sen. Manny Pacquiao. Ayon sa business manager ng ‘fighting senator’, nais nitong makaupakan si Mikey Garcia.
Si Garcia ay 4-division world boxing champion at isa sa mga welterweight contender. Aniya, malamang na idaos ang boxing match ng dalawa sa Dubai.
Kinumpirma mismo ito ni Arnold Vegafria sa kanyang ipinost na teaser poster sa Instagram.
Una nang napaulat na haharap ang Pambansang Kamao kay WBO welterweight champ Terrence Crawford. Na nakatakdang gawin sa June 5. Ngunit, naunsiyami dahil sa kakapusan ng pondo ng mga investors.
Noong nakarang March, ibinulalas ni Garcia ang pagnanais na makasagupa si Pacquiao. Aniya, nais niyang makaharap ang senador sa buwan ng Mayo o Hunyo.
Gayunman, hindi pa selyado ang Manny Pacquiao- Mikey Garcia bout. Kundi, pinaplantsa pa lang. Kung matutuloy, ito ang comeback fight ng 42-anyos na si Pacquiao.
Na halos two years hindi lumaban sa ring. Huli siyang sumampa sa lona noong July 2019. Kung saan, nahablot niya kay Keith Thurman ang WBA super welterweight belt.
May record siyang 62-7-2 at 39 rito ay knockouts.
More Stories
KATHRYN BERNARDO AT KOREAN SUPERSTAR LEE SEUNG-GI PAGSASAMAHIN NI CHAVIT SINGSON SA ISANG MOVIE PROJECT
PANGASINAN KAMPEON SA PNVF U18 CHAMPIONSHIPS (Sa tulong ng kanilang coach na Math Teacher)
DANIEL SUPPORT NA LANG NINA RICHARD AT IAN SA TELESERYE