LTO PINAIGTING ANG PAGBABANTAY NG ENFORCERS SA MGA KALSADA

INATASAN ni Land Transportation Office (LTO) chief Assistant Secretary Atty. Vigor Mendoza II ang traffic enforcer na palakasin ang pagbabantay sa kalsada para matiyak ang kaligtasan ng mga motorist at pasahero ngayong Pasko.

Target din sa operasyon ang mga truck na isasailalim sa random na inspeksyon sa gabi at madaling araw.

Pinaigting din ang inspeksyon sa mga pampasaherong bus at drug testing sa mga driver.

Layunin nitong maiwasan ang mga aksidente at tiyakin na maayos ang lahat sa kasagsagan ng Christmas rush.