Lion Cup 9-Ball Invitational C’ship… SANTOS NG ‘PINAS REYNA SA SINGAPOR

NALAGPASAN ni Denise’Denden’  Cabilio Santos ng Pilipinas ang sobrang  pressure kontra mas eksperyensiyadang  cue artist na si  Sylvanna Lu ng  Indonesia upang pag-reynahan  ,9-6  ang prestihiyosong torneo na   Lion Cup 9- Ball Invitational Championship sa  Singapore nitong nakaraang  weekend.

Si Santos,literal na lumaki sa isang billiards environment sa  Pateros at isang  Bugsy Promotions’ protege ay agad na nagpasiklab sa mesa upang  umangat bentahe ang kanyang malakas na breaks upang iposte ang  6-3 kalamangan sa kanilang  race – to-9 final showdown laban sa mas  beteranang  Indon contender na  prominenteng pigura sa naturang taunang  cue championship sa binansagang Lion City.

Nakaramdam ng panganib na madurog  sa  pool table,kumamada ng mati ding  paghabol si  Lu sa mga sumunod na racks tampok ang kanyang pamosong jump cue upang itabla ang laban  , 6-all.

Pero iyon na pala ang huling hininga ng bantog na  Indonesian pool shark.

Ang  Etrepreneurship graduating student ng  Polytechnic University of the Philippines na si Santos ay winalis ang nalalabi pang pressure-packed 3- racks upang hablutin ang  makinang na   9-Ball crown  sa kanyang buwenamanong  international pool stint.

“Unexpected po .Pinaghandaan ko ito pero nung makita ko ang lalakas ng kalahok,pinairal ko na lng ang motivation na I’m from the Philippines na iginagalang sa larangan ng billiards.Diskarte ang panalo kontra experience this time “, wika ni Santos via phone interview kasabay ng pasasalamat sa  Bugsy Promotions nina  Perry and Hadley Mariano,Mezz Cue,My Boo’s Closet Bad Boy Billiards at Aria Pool Things na tumulong ng malaki sa kanyang tagumpay para sa banss.

Nauna dito ,dinaig ni Sylvanna si  Jessica Yen Hui Ming ng Cue Sport Singapore sa  semis habang pinatalsik ni  Denise ang individual entry mula host  country na si  Ng Yi Huai Suvene sa final four.

Ang Lion Cup  crown ni Santos ay lalo pang nagpa- kislap sa mga naunang  achievements nito na  Amit Cup Championship noong Pebrero  at ang  PSC Women’s Sportsfest sa Rizal Memorial billiards center kamakailan.

“Wish ko ay matupad ang pangarap ko na makapaglaro para sa bansa like SEAGames,Asiad and World”,ani pa Santos   na unang nakapaglaro ng billiards noong kanyang kabataan sa bilyaran ng kanyang amang pool entusiast sa komunidad.