Kyle Lowry, lalambatin ng Los Angeles Lakers kapalit ng 3 players

Inaasahang ano mang oras ngayon mailalatag ang trade kay Kyle Lowry mula sa Toronto Raptors. Isa sa team na sorpresang lalambat sa kanya ay ang Los Angeles Lakers, ayon sa ulat.

Malaking tulong si Lowry sa tumatagilid na standing ngayon ng Lakers. Lalo pa’t injured ang 2 star players nito na sina LeBron James at Anthony Davis.

Ayon kay Adrian Wojnarowski, maaaring 3 players ang kapalit ni Lowry. ‘Yan ay kung matutuloy siya sa Lakers. Nasa trade list sina Dennis Schroeder, Kentavious Caldwell-Pope at Montrezl Harrell.

“Of note regarding the Kyle Lowry-Lakers rumors: It seems Los Angeles became open to discussing all of Dennis Schroder, Montrezl Harrell and Kentavious Caldwell-Pope with rival teams.

“As of Monday night, and that chatter has not since quieted among league executives,” ani Jake Fischer ng Bleacher Report.

Ngayong araw ang trade deadline sa NBA at inaasahan ng fans ang mga pagbabago sa teams.