KOREANO NA WANTED SA FINANCIAL FRAUD TIMBOG SA NAIA 3

ARESTADO ng Bureau of Immigration (BI) na nakatalaga sa NAIA Terminal 3 ang isang lalaking South Korean national na wanted sa Intepol at mga awtoridad sa Seoul dahil sa financial fraud.

Ayon kay BI spokesperson Dana Sandoval, papasakay na sana ang 29-anyos na si Jung Hyunjoon sa China Southern Airlines flight patungo sa Guangzhou, China nang harangin ng mga tauhan ng BI sa NAIA Terminal 3.

Dagdag pa nito, inihahanda na ang deportation proceedings laban sa dayuhan upang maharap niya ang mga kaso niya sa Korea.

Isasailalim din sa blacklist ang dayuhan para hindi na siya makapasok muli ng bansa.

Si Jung ay inakusahang bahagi ng voice phishing syndicate at tumanggap ng 5 million won mula sa biktima.