Inagurasyon ng LPGHSTC pinangunahan ni Sen. Cynthia Villar

Pinangunahan ni Sen. Cynthia A. Villar nitong Lunes (Marso 17, 2025) ang inagurasyon ng bagong gusali ng Las Piñas General Hospital & Satellite Trauma Center (LPGHSTC), pati na rin ang bagong daan patungo sa modular hospital, na magbibigay daan para sa malalaking pag-unlad sa mga serbisyong pangkalusugan sa lungsod. Ang 12-palapag na gusali ay magpapataas ng kapasidad ng LPGH at STC mula 200 hanggang 500 kama.

Ang pagtatayo ng gusali ay inaatas ng Republic Act No. 11497, isang panukalang batas na ipinaglaban ni Rep. Camille Villar sa Kapulungan ng mga Kinatawan at ni Senador Villar sa Senado. (DANNY BACOLOD)