TAMPOK na panauhin si World Boxing Association (WBA) Asia Super Featherweight Champion Charly Suarez kasama ang anim na promising swimmers mula sa Swimming League Philippines (SLP) sa masinsin na talakayan sa Tabloids Organization in Philippine Sports, Inc. (TOPS) ‘Usapang Sports’ ngayong Huwebes (Oct. 6) sa Behrouz Persian Cuisine sa 50 Sct. Tobias-Sct. Fernandez, Timog, Quezon City.
Inaasahang magbibigay ng pinakabagong detalye hingil sa kanyang paghahanda na maidepensa ang korona ngayong buwan ang 33-anyos na dating top amateur boxer, Olympian at two-time Southeast Asian Games champion sa lingguhang sports forum ganap na 10:30 ng umaga.
Makakasama niya sa talakayan sina Evenezir Polancos, Albert Sermonia II, Seb Rafael Santos, Jenn Albreicht Sermonia, Saira Janelle Pabellon, at Shinloah Yve San Diego na pinagalananang pinakabagong brand ambassador ng swimming apparel TYR.
Mula sa iba’t ibang swimming club na nasa pangangasiwa ng SLP sa pamumuno ni Joan Mojdeh, malaking karangalan at dagdag na kasiglahan sa pag-angat ng kani-kanilang career ang pagkakapili para magendorso ng TYR brand,
Inaaanyayahan ni TOPS president Beth Repizo ng Pilipino Star Ngayon ang mga opisyal, miyembro ng organisasyon gayundin ang mga sports enthusiast na makiisa sa programa na mapapanood via livestreaming sa TOPS Usapang Sports Facebook page at sa Channel 45 ng bagong ilulunsad na PIKO (Pinoy Ako) mobile app channel at sa pagtataguyod ng Philippine Sports Commission (PSC), Games and Amusements Board (GAB), Pagcor at Behrouz Persian Cuisine.
More Stories
Gatchalian: Mga out-of-school children at youth ibalik sa mga paaralan
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS