HIGIT 1,000 PAMILYA NABIYAYAAN SA HOLIDAY COMMUNITY PANTRY

Mahigit sa 1,000 pamilya mula sa Tondo, Manila ang nakatanggap ng food packs at medical supplies sa ginanap na Holiday Community Pantry ng Chinese Companies in the Philippines, Anvil Business Club at Chinese Embassy.

Ipinamahagi ng Chinese friends at volunteer sa pangunguna ni Counselor Xie Yonghui sa ngalan ni Chinese Ambassador Huang Xilian ang mga holiday goodies bags sa mga pamilya na labis na apektado ng pandemya.


Pinalawig ang Holiday Community Pantry nang matagal na pagkakaibigan ng China at Pilipinas lalo na sa panahon na nahaharap tayo sa matinding pagsubok.

Ang holiday family packs na may lamang food supplies, gulay at prutas at mga basic medical supply ay idinonate ng Chinese Embassy at Chinese companies na tumutulong sa mabilis na pag-unlad ng ating infrastructure development sa buong Pilipinas.