Grade 12 patay sa tuklaw ng cobra

Patay ang isang 18-anyos na Grade 12 student matapos matuklaw ng cobra sa Barangay Crispina, Banna, Ilocos Norte.

Ayon kay Barangay Chairman Reynaldo Duldulao, nagbibihis ang biktimang si Luisa Agpuon sa kanyang kwarto sa kanilang bahay nang biglang tuklawin ng cobra.

Dinala si Agpuon sa isang herbalista para pigilan ang lason na kumakalat sa katawan pero siya’y nanghina at nahulog nang hindi namamalayan.

Kalaunan ay dinala ang biktima sa isang ospital kung saan siya namatay.

Napatay umano ang cobra na kumagat sa biktima.

Sinabi ng kanyang ina na nakahuli ang pamilya ng isa pang cobra sa umaga bago siya nakagat.

Nagpaplano umano ang pamilya na maghanap ng ibang tahanan.