Gilas Pilipinas, pinayuko ng Lebanon sa first game ng Fiba Asia Cup

Bigo ang Gilas Pilipinas sa kanilang unang laro sa  2022 Fiba Asia Cup sa Istora Senayan, Jakarta, Indonesia. Pinayuko ng Lebanon ang national basketball squad, 95-80.

Gayunman, pumalag ang Gilas sa paghabol sa 22-point deficit sa fourth quarter. Kumana ang Gilas ng 11 straight points, may 8:18 remaining sa clock.

Kaya, naibaba ng team ang lamang sa 11  mula sa 82-60, sa 5:26 mark. Muling naibaba ang iskor sa 83-74 mula sa three-point play ni SJ Belangel sa 4:42 mark.

Ngunit, kinapos pa rin sa Lebanon kahit naikasa ang 14-1 run.

“Unfortunate that the result turned out this way. But, I thought we made a great run. We never quit, even when we were down by almost 20 points in the fourth,” ani Gilas coach Chot Reyes.

“We made a great run to get within single digits midway through the fourth quarter,” aniya.