KINUMPIRMA ni Justice Secretary Menardo Guevarra na nakuha na niya ang draft ng implementing rules and regulations ng Republic Act 11479 o ang Anti-Terrorism Act of 2020.

Ayon kay Guevarra, rerebyuhin at i-e-edit pa ang naturang draft at ‘pag natapos ay isusumite nila ang narebyung IRR sa Anti-Terrorism Council.
Kailangan aniyang maging maingat sa pagbalangkas ng IRR dahil marami ng petition laban sa anti terror law na humihiling sa Kataas-taasang Hukuman na ideklarang ilegal o labag sa Saligang Batas.
Tiwala ang kalihim na magiging handa na ang IRR para sa deadline nito sa Oktubre.
Ang anti terror law na linagdaan ng Pangulong Rodrigo Duterte ay umani ng kaliwa’t kanang batikos, at sa kasalukuyan ay mayroon ng 32 petition sa Korte Suprema kontra anti terror law ang naidulog na ng iba’t ibang grupo at mga kilalang personalidad.
More Stories
Pinay Lawyer, Pasok sa Top 200 World Rankings sa Padel
QC Todo na sa Kalikasan! Fashion Show, Tree Giveaway at Plastic Ban, Tampok sa Earth Day 2025
REBELDE NA NANUNOG NG SIMBAHAN SA ILIGAN, ARETADO SA BUKIDNON