DIGITALIZATION PRAYORIDAD NG GSIS

Sa kanyang mensahe sa paglulunsad ng Digital Business Center sa GSIS Quezon City Branch Office, binigyang-diin ni GSIS President at General Manager Wick Veloso ang digitalisasyon bilang isa sa kanyang mga pangunahing prayoridad mula nang siya ay maupo sa pwesto. Malugod niyang ibinahagi na 98% ng mga transaksyon ng GSIS ay digital na at inaasahan niyang makakamit ang ganap na digitalisasyon sa loob ng susunod na dalawang taon.