CARLO BIADO, SINARGO ANG GOLD MEDAL SA MEN’S 10-BALL SINGLES

Rumesbak si Carlo Biado sa kababayang si Johann Chua sa men’s 10-ball singles. Sinargo nito ang gold medal sa nasabing eventy sa biennial meet sa Vietnam. Dinomina ni Biado ang laban sa all-Filipino final rematch matapos ang tatlong araw.

Noong una, dinaig siya ni Chua sa 9-ball finals at nasargo ang gold medal. Subalit, nakabawi ang reigning US Open Champion sa 10-ball singles. Binaon ni Biado si Chua, 8-3. Nagmintis ang huli sa one-ball kaya tinapos na ng una ang laro.

Sa pagkapanalo,nasungkit ni Biado ang third overall SEA games gold medal. Nagwagi siya sa 9-ball doubles sa Singapore noong 2015. Nasundan pa ito noong 2017 sa Malaysia (9-ball singles).