Winalis na ng Boston Celtics ang Brooklyn Nets sa Game 4 ng NBA playoffs East Round 1, 4-0 sa series. Sinipa ng Celtics ang Nets sa iskor na 116-112. Kaya naman, umabante na sa semis ang Boston at maghihintay na lang sa mananalo sa Bucks at Bulls.
Bumira sa panalo ng team si Jayson Tatum ng 29 points, 5 assists at 3 boards. Nag-ambag naman si Jaylen Brown ng 22 points at 8 rebounds. Habang si Marcus Smart naman ay lumagare ng 20 points at 11 assists.
Sa panig naman ng Nets, kumana si Kevin Durant ng 39 points, 7 boards at 9 assists. Habang si Seth Curry ay bumistay ng 23 points. Nagtala naman si Kyrie Irving ng 20 points at 5 assists.
Rumatsada agad sa opensa ang Celtic sa 1st half at nadala hanggang 2nd half. Pinakamalaki at inaalagaan nilang lamang ang 10 points. Nakadikit ang Nets sa 4th quarter, 102-99 mula sa buwenas na opensa ni Joran Dragic.
Nagawa pa ng Brooklyn na makadikit bago ang last 2 minutes, 108-109. Ngunit, hindi nila napigilan ang magandang opensa ng Celtics.
More Stories
UAAP: ATENEO TINALO ANG DATING UNDEFEATED NA UP MAROONS
Pinoy vs Mexicano-Pinoy vs Nigerian… DOUBLEHEADER SA PHL ENCUENTRO C’SHIP SA MAKATI CITY
Del Rosario muling nagwagi ng korona sa WNCAA taekwondo