Kuha mula sa One Cavite/FB
KARUMAL-DUMAL ang sinapit ng isang 12-anyos na nene sa kamay ng kanyang itinuturing na ninong matapos umanong halinhinang halayin bago patayin sa Rosario, Cavite.
Una nang naiulat na nawawala ang biktimang si Louiza Alano Hillera, 12-anyos, ng Dreamland, Brgy. Muzon 2 sa nasabing bayan.
Matatandaan na dalawang araw na pinaghahanap ng pamilya at opisyal ng barangay ang naturang biktima pero hindi nila lubos akalain na malapit lang pala sa kanilang tahanan makikita na nakasako at ibinaon sa lupa ang bangkay ng biktima.
Ayon sa pamilya ng biktima, dakong alas-6:30 ng gabi noong Agosto 30 nang huling makitang buhay si Louiza na naliligo pa sa poso na malapit sa kanilang bahay kasama ang kanyang mga kaibigan hanggang sa hindi na ito nakauwi pa sa kanilang tahanan.
Umaga nitong Setyembre 1 nang matagpuan ang bangkay ng biktima na nakasilid sa sako na nakaluwa ang mata at labas ang dila patunay na pinahirapan muna ang suspek bago pinatay.
Ayon sa post ng One Cavite, ang pangunahing suspek sa karumal-dumal na krimen ay ang ninong ng biktima na si Erly Arguelles na kasalukuyang tinutugis ng pulisya.
More Stories
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS
Hiwalay na nga ba? PAOLO CONTIS, NO COMMENT ANG SAGOT SA PAG-UNFOLLOW SA KANYA NI YEN SANTOS