DILG chief Año muling nagpositibo sa COVID-19

MULING nagpositibo sa COVID-19 si Department of Interior and Local Government (DILG) Secretary Eduardo Año.

Ayon sa opisyal, sumalang siya sa PCR test nitong Biyernes at lumabas ang resulta nitong Sabado.

Nakaramdam siya ng flu-like symptoms, kabilang ang pamamaga ng lalamunan at pananakit ng katawan noong Agosto 13.

“I began my self-quarantine and got myself PCR tested on Aug. 14,’’ wika ni Año.

Patuloy na minomonitor ng mga doktor si Año habang naka-isolate.

Aniya, ginawa niya ang anunsiyo para ipaalam sa lahat ng kaniyang nakasalamuha na sumailalim din sa self-quarantine, bantayan kung makakaranas ng sintomas at sundin ang DOH guidelines.

“I make this announcement to call the attention of all persons I had close contact with to go on self-quarantine, observe any symptoms in accordance with DOH guidelines, and take appropriate action,’’ dagdag pa niyang sambit.