PEZA DG’s Chess Cup Armageddon… GM DM QUIZON ANG KAMPEON!

LALO pang pinatibay ni Grandmaster Daniel Maravilla Quizon ang kanyang posisyon bilang isa sa mga nangungunang chess player ng Pilipinas matapos magkampeon sa DG’s Cup 2025 Invitational chess tournament sa Philippine Economic Zone Authority (PEZA) Auditorium, Double Dragon Center, Meridian Park Building, 10th floor sa Pasay City noong Biyernes, Marso 14, 2025.

Tinalo ng Dasmariñas City, Cavite top player Quizon si Grandmaster Rogelio “Joey’ Antonio Jr. sa final para makuha ang P20,000 cash prize at pamunuan ang 12-man field, na pinangunahan ni PEZA Director General Tereso “Theo” Panga, na inorganisa ng Bayanihan Chess Club sa pakikipagtulungan ng EPZA/PEZA Retired Employe.

Sinusuportahan din ito ng JC Premier Marikina, DBS Custom Brokerage, EC Caldejon Construction & Development Corp., Celso Husmillo Builders, Inc, Malaja Construction & Service, Rocafe, TeaBlock, C-Style Prints at Per Solutions Engineering Services and Consultancy.

“I’m very happy to win again, especially in a major tournament like this. I would like to thank PEZA Director General Tereso “Theo” Panga for hosting this tough tournament,” sabi ng soft spoken Quizon na sariwa pa sa paghahari sa 15th Edition of the Kamatyas Rapid Chess Tournament 2025 na tinampukang” The Infinite Mindstrokes” na ginanap sa SM Southmall sa Las Piñas City noong Marso 1, 2025.

malakas na sinimulan ni Quizon ang kanyang kampanya matapos talunin ang tatlong naunang nakatunggali na sina National Master Al-Basher Buto (2-0), International Master Ricardo de Guzman (2-0), at Antonio (2-0) sa winner’s side para makopo ang upuan sa finals.

Nakabalik sa kontensiyon si Antonio matapos manaig kay de Guzman ,2-1, sa loser’s brackets para makatutok sa titulo.

Subalit panalo si Quizon kay Antonio (1-1) sa kanilang rematch sa finals.

Sa katunayan ay panalo muna si Antonio sa 1st game sa finals subalit natalo sa 2nd game.

Hawak ni Quizon ang twice to beat advantage sa finals sa Armageddon double elimination tournament, (Armageddon format, 10 minutes for white and 9 minutes for black).

Nakamit ng runner-up Antonio ang P10,000 habang nasikwat naman ni third placer de Guzman ang P5,000.

Nakopo naman ng fourth hanggang 12th placer ang tig P3,000 na kinabibilangan nina Buto, IMs Ricardo de Guzman, Angelo Young, Chito Danilo Garma, Barlo Nadera, Jose Efren Bagamasbad at Petronio “Rony” Roca, FM Adrian Ros Pacis at NMs Carlo Lorena at Edmundo Gatus.

Una dito ay nagsagawa sina PEZA Director General Tereso “Theo” Panga at Antonio ng ceremonial moves bilang hudyat ng pagbubukas ng one-day tournament na pinasiyaan din nina PEZA Deputy Director General Policy and Planing Joy Alguso, Ambassador Leo Tito Ausan Jr. at Elvira Roca.

Ang Chief Arbiter ay si NA/NM Almario Marlon Quiroz Bernardino Jr. sa pakikipagtulungan nina NM Romeo Alcodia, Rod Sulit, Noel Jay Estacio at Brian Angelo Young.

Nagdaos ang Philippine Economic Zone Authority (PEZA) ng kanilang 30th anniversary noong Pebrero 28, 2025. (DANNY SIMON)