Magkapatid na Tiangco naguna sa NCR mayors, solons job performance rating

NANGUNA si Navotas City Mayor John Rey Tiangco sa performing City Mayors sa National Capital Region (NCR), batay sa isinagawang independent at non-commissioned survey ng RP-Mission and Development Foundation Inc. (RPMD).

 Sa inilabas ng RPMD “Boses ng Bayan” Annual Report 2023, nakakuha si Mayor Tiangco ng 90.3% performance rating.

Nagpasalamat naman si Mayor Tiangco dahil sa patuloy na ibinibigay na tiwala at suporta sa kanya.

“Kayo ang aming inspirasyon upang tuloy-tuloy ding maglingkod ng tapat at mahusay. Makakakaasa po kayo na pagiibayuhin na natin ang Serbisyong All The Way para lalo pang maging Saya All ang mga Navoteño,” aniya.

Samantala, napanatili naman ni Congressman Toby Tiangco ang pagiging top Performing Representatives sa NCR matapos magkamit ng 92.3% performance rating.

“Tayo po’y lubos na nagpapasalamat pagkat tayo po ang nagawaran ng “Highest Rating sa Exemplary Public Service” na Congressman sa Metro Manila sa “Boses ng Bayan 2023 Annual Performance Assessment” ng RPMD,” ani Cong. Tiangco.

“Congratulations din po sa inyong lahat mga kababayan kong Navoteño ‘pagkat hindi po natin makakamit ang kapurihang ito kung hindi sa inyong pakikiisa at suporta. Karangalan ko po na kayo’y paglingkuran,” dagdag niya.

Isinagawa ang nationwide “Boses ng Bayan” survey, mula December 27, 2023, hanggang January 5, 2024 kung saan job performance ang naging batayan ng 10,000 respondents sa buong Pilipinas.

Ang magkapatid na Tiangco ay kapwa top placer sa mga independent survey na regular na isinasagawa ng RPMD para pasiglahin ang accountability, transparency, at epektibong pamamahala sa bansa.