NEDA: PRICE CAP SA BIGAS, ‘PANSAMANTALA’ LANG

PINAWI ng National Economic Development Authority (NEDA) ang pangamba ng mga stakeholder kaugnay sa rice price ceiling, kung saan sinabi nito na pansamantala lamang ito.

Itinakda ni Pangulong Bongbong Marcos Jr, ang price cap ng regular milled rice sa P41 per kilo at well-milled sa P45 per kilo. Epektibo ito sa Setyembre 5, ayon sa Palasyo.

Sinabi ni NEDA Secretary Arsenio Balisacan na ang executive order ni Marcos sa price ceiling ay hindi isang standalone measure para mapababa ang presyo ng bigas. “We are confident that the imposition of a price ceiling is only a temporary measure. We expect rice harvest to commence soon and anticipate that other initiatives will produce the desired result,” ayon kay Balisacan.